Tayri-m tcuba times (asefru) - Massinissa Amiali

Tayri-m tcuba times
Nekk γur-s la seḥmuyeγ
Mi qerbeγ ad iyi-teqqes
Ma baεdeγ-tt bezza nṭṭerreγ
Tuγal tafat-is tenqes
Fukken isγaren id-zedmeγ
Siwa irrij id-yegran deg-s
Ad iyi-iwanes alama yekfa

Fell-i la ttεeddin wussan
S tmara i ten-ttqabaleγ
Lmektub-iw urεad iban
D asawen neγ d lewḍa
Ur ufiγ ayen iyi-yehwan
Seg wasmi ikem-furqeγ
Ass-a εerqen-iyi iberdan
Anwa abrid ara aγeγ ?

Anwa i d Massinissa Amiali ?
       Massinissa Amiali, s tmaziγt Masinisa Σemyali, Massi γer yeqriben, ilul ass n 14/04/1994 di Tegzirt. Imeqqer-d deg “Ajerwiḍ” (Taddart n yestiten). Asmi yesεa 10 n ^yiseggasen i yebda yattawi-d s snitra tuγac n Meεtub Lwennas akked Lani Rabeḥ. Dγa d wigi uγur id-yugem tamusni ines tanaẓurt. Yura ifyar-is imenza asmi yewweḍ 16 n ^yiseggasen. Ass-agi yettnadi tazrigt ama i yisefra-s ama i tezlatin-is. Ma tebγam ad teẓrem ugar fell-as arum-aγ-d

Ugar n isefra n Massi dagi