17 décembre 2012
Tamedyazt n Dda Σli - isefra
Asefru 01
Abrid n Lezzayer γezzif
Yak yenğer s lḥif
Nekk bdiγ-t-id d iqnaqen
Ufiγ tizyaw tettkeyyif
Tiḥdayin di rrif
Arrac deg uzniq la ttqessiren
Ata wul-iw irkeb-it wurrif
Yabbuh ya laṭif
Lεid-iw akked imeḥbas
Asefru 02
Aql-iyi di lḥebs n Delles
Snesla tqewwes
Deg ucebbak la d-neṭṭili
Ini-as i m leεyun Ṭawes balak ad tayes
Aql-iyi-n deg wussan-a dayen tura tekfa lγerba-s
S ẓalamiṭ ay ḥettbeγ
Kul sbaḥ yiwet ad tt-ṛẓeγ
Yis-sent sεeddayeγ ussan
Leḥsab-iw mi ara t-fakeγ
A leḥbab ad aken-in-awḍeγ
Ma yebγa Llah rreḥman
Anwa i d Dda Σli ?
Dda Σli, s yisem-is Muḥend Meddur, d amedyaz aqbayli. Yettidir di taddart n Teεzibt. Yessefruy maca werğin yura isefra-s. Ablug nneγ ad yeεreḍ ad awen-d-yawi kra si tmedyazt-is.
Publicité
Commentaires
M