Tadyant n sin yiserdyan (taneqqist) - Jean de la Fontaine (T. Lounès Amziane)

Tadyant n sin yiserdyan

Llan sin n yiserdyan
Lwaḥid i wwin abrid.
Yiwen ttεebga-s d ajilban,
Wayeḍ iḥseb laṣel-is d lğid
Imi d idrimen is-εebban.
Idrimen-nni iεebba d wid
N tebzert-nni id-juban
Wid is-yettarran lqid.

Ur yebγi ḥed d amalal
Taεkemt iwakken ad s-tifsus
Si zzux yedda s uqlaqal
Yerna iεelleq nnaqus.
Mi itteddu deg ubrid, yemlal
Imukar yerna mačči drus

Imukar ruḥen ẓedmen
Ґef wi ikesben adrim γur-s
Abrid mi d as-t-id-gezmen
Ṭṭfen-t deg uleggam; yeḥbes.
Wwten-t, suzzlen-t d idammen;
Mi t-εerran ğğan-t weḥd-s.

Yenna mi d-yegra yeḥṣel,
Mⁱ akken is-yeḍra lbaṭel:
"Ma d wagi id lexlaṣ-iw ?
Aserdun sεiγ d amdakel
Yugad γef yixef-is yerwel;
Ma d nekk ass-agi d ass-iw"

Amdakel-is, deg webrid yewwi,
Yessegra-as-d imeslayen:
"Tqebleḍ-t armi ik-yerwi
Wemkan n lxedma εlayen.
Lamer k-issexdem ureḥwi
Ur k-ittaγ wayen ik-yuγen"

Jean de la Fontaine
T. Lounès Amziane

Sutret i umzenzi nwen n idlisen "Jean de la Fontaine Timucuha - T. Amziane Lounès"


Agbur n udlis

Comments

[gt]

kcakca proute

[Ajrad]

Yelha usefru, a-s tinid s teqbaylit yaka i g lla....