Izmawen n tlelli

Ad cekreγ At Dwala 
Ґef yizem-nni id-trebba 
D argaz bu lhiba  
Am netta mazal ur nufi ara 
Ussan leḥḥun ɣer taggara 
Nekkni nedderγel, ur neẓri ara

A yemma yemma mel-iyi 
Lwennas melmi i yeγli ?

Di sin iberdan neḥṣel 
Nekkaw, negguma ad nγiwel 
Nbib azembil n ddel 
Allaγ yeḥmeq, dayen yemxel 
Lemmer ad d-nakwi ad nbeddel 
Ayen iwumi ur yenwa laɛqel

A yemma yemma mel-iyi 
Σmiruc anda yeγli?

Tamaziɣt d awal iweznen
Ґar-itt, aru-tt ay amdan 
Win ik-yennan: xas tixer-asen 
Ini-as kan : ma tesneḍ-ten ? 
Ad ak yini : ih, kerheγ-ten !  
Aḥlil win yellan d abhim 
 
A yemma yemma mel-iyi 
ΣEBBAN acimi i yeγli ?

Ad ak-iniγ, kečč ḥesses 
Tamurt teḥwaǧ arraw-is
Mmi-s n Ǧeṛǧeṛ neɣ Luṛis
Ad awin ddwa i lehlak-is
Mačči s yidrimen n Laswis 
I yewwi Lḥusin-nni unḥis

A yemma yemma ḥku-iyi 
Ґef yizmawen n tlelli. 

BnadeM Amaziγ

Anda-k ay abrid

Ǧǧan-aγ imezwura
Ayen yis ad nerfed aqerru
Ǧǧan-aγ ineggura
Ayen yis ad nberru ameẓẓuγ
Tamsalt lweɛd-is yeḥfa
Tallit n tmurt texṛeb, tluγ

Tutlayt id-iyi-d-iǧǧa baba
Yegguma ad tt-yissin ugrud
La qqaren-ak lɛilm tura
S ugemmaḍ ara d-iṣuḍ
Ilaq ad nelmed tin n Fṛansa
Xas ma nleḥḥu γef uɛbbuḍ

 BnadeM Amaziγ

Sliγ i wedrar yettru

Sliγ i wedrar yettru 
I t-iγaḍen d amadaγ n Ssaḥel
Times tzehher la trennu
Tin n ṛebɛa u tesɛin la d-tessekfel
Ay aɛziz γef wul, ay Aγbalu
Arraw-ik rewlen s uγiwel

Kul yiwen s anida ileḥḥu
Ad ak-nesteqsi a bab n laɛqel
Ґef wayen tesɛedda lǧedra n useklu
Ay amedyaz asteqsi fiḥel
Ayen ik-yemla baba-k, fell-as cfu
Cfu γef leqdic n wat ddel

BnadeM Amaziγ

Anwa i d BnadeM Amaziγ ?
      BnadeM Amaziγ ilul ass n 09/10/1989 di Lqubba (Lezzayer). Yedder u mazal yettidir di Ḥidṛa. Seg mi yella meẓẓi, iḥemmel aṭas ccna n MAΣṬUB LWENNAS, ad fell-as yeɛfu Ṛebbi. Xas ur yessin ara tutlayt-is tamaziγt, yewwet i wakken ad-tt-yelmed.


Bnadem_Amazi_