Tibratin tiwezlanin (sms) i userbeḥ n useggas amaynut - Aseggas ameggaz 2963

     Azul fell-awen. Tamaziγt ilaq ad tt-naru di yal amkan. Tikkelt-agi ihi di tilifun i userbeḥ n useggas amaynut 2963. Ddaw-agi kra n imedyaten n tebratin i tzemrem ad taznem. Aznem-aγ-d ula d kunwi tibratin nwen

Aseggas ameggaz ara d-yawin sseḥa,
affud n wuzzal, tamusni s tusda, adrim s zyada,
tawacult ad tefreḥ wa ad terwu, tamurt ad teḥlu.

Aseggas ameggas; taḍsa ad tezgu γef yimi,
lferḥ ad yeččar iciwi, tayri ad d-tewwet am tristi.
Ma yebγa Rebbi ad d-tas ula d ladimukrasi

Yeffeγ useggas, ad yekcem wayeḍnin.
Deg wayen yezrin ad d-nelmed ad d-nissin,
ad d-nagem timsirin, ad nesfeḍ tucḍiwin.
Aseggas ameggaz 2963¹

---

(¹) seg usefru n Bouaziz Ait Chebib

Comments

[maris]

d ayen yelhan