Ǧeḥḥa i yehban laɛṛac - Muḥya

      Tura tzemren ad teγrem "Xali Ḥsen" yura Muḥya dagi neγ afem-tt di temkarḍit n ublug deg weḥric "Tullisin". Fahim.M la awen-iqqar ad tewtem tineqqisin arma teṭreḍqem :)

Ǧeḥḥa i yehban laɛṛac :

Yiwen ihedder deg tejmaɛt.
Iwala meskin ulac win is-id-ismaḥsisen. Inna-as :
-"Ad iyi-tsemmḥem ay at taddart, ad awen-d-awiγ yiwet n teqṣiṭ n ǧeḥḥa."
Nnan-as :
-"Aha."
Inna-as :
-"Yiwwas ǧeḥḥa iteddu netta d umeddakel-is, wwḍen γer wanda mfaraqen, yiwen irra akka, wayeḍ irra akka."
Dɣa yeḥbes din.
At taddart qqimen imir-n :
-"Kemmel-aɣ-tt-id tura, ah !"
Inna-yas : « Briɣ i cclaɣem nwen. Tettergigim ɣef teqsiḍin n ǧeḥḥa, tilufa n taddart teǧǧam-tent... »

Asarag n umeddakel n Muḥya di taddart n Agarsafen
Mass Mokrane Tagemount

Sinistri - Taceqquft n umezgun yura "Muḥya"